Twitter

Share on Tumblr

Ali məqamlı mərcəyi-təqlid müctəhid Seyid Əli Hüseyni Sistani cənablarının Rusiya Federasiyası və Azərbaycan Respublikası üzrə səlahiyyətli nümayəndəsi Hüccətül-İslam Şeyx Məhəmmədəli Mosuli Şərqi Assur Kilsəsinin idarə heyatinin başçısı Semano Ata, Yepiskop Mar İshaq Yusif və Yepiskop Dehuku Moskva şəhərində yeləşən nümayəndəliyin baş ofisində bu gün ikindi vaxtı (15 Məhərrəm 1438 – 17 Oktyabr 2016) qəbul edib. Görüş əsnasında İraqda baş vermiş son hadisələr, xüsusilə də Mosulun azad edilməsi barəsində söhbət açılmışdır. Tərəflər İraq ərazisinin və xalqının vəhdət və bölünməzliyinin qorunub hifz olunmasında ali mərcəiyyətin rolunu, Seyid cənablarının müxtəlif din və məzhəblərlə, ələl-xüsus İraqda yaşayan xristian etnik azlıqların hüquqlarının müdafiə olunmasına ciddi əhəmiyyət verdiyini vurğulamışlar.

Eyni zamanda söhbət əsnasında həzrət Məhəmməd (s) peyğəmbərin dövründə qurulmuş ilk İslam dövləti dönəmindən bu günə qədər müsəlmanlar və xristianlar arasında münasibətlərin müsbət səviyyədə davam etdirildiyi qeyd olunmuşdur.